ང་བཅས་ཀྱི་སྐོར་ལས།

Access2care ཟེར་མི་འདི་ག་ཅི་སྨོ?

Access2care ཟེར་མི་འདི་ རང་གི་གཟུགས་ཁར་ནད་འབུཔ་ཨེཆ་ཨེའི་ཝི་ ཡོད་ག་མེད་ག་ཤེས་ཚུགས་ནི་དང་ ནད་འབུཔ་འདི་གཞན་ལུ་ སྤེལ་ནི་ལས་བཀག་ཐབས་འབད་ཚུགས་པའི་ ཡོངས་འབྲེལ་ཞབས་ཏོག་ཅིག་ཨིན། འ་ནཱི་ཡོངས་འབྲེལ་འདི་ལས་ ནད་འབུཔ་ཨེཆ་ཨེའི་ཝི་བཀག་ཐབས་དང་ བརྟག་དཔྱད་འབད་ནིའི་ཞབས་ཏོག་ཚུ་ གསང་བའི་ཐོགས་ལས་འཇམ་ཏོང་ཏོ་སྦེ་འཐོབ་ཚུགསཔ་ཨིན། ཁྱོད་ལུ་ནད་འབུཔ་ཨེཆ་ཨེའི་ཝི་འཐོབ་ནི་ ཉེན་ཁ་ཡོད་ག་མེད་ག་ཤེས་ཚུགས་པ་ཅིན་ ཁྱོད་ཀྱིས་ཉེན་ཁ་ཡོད་པའི་བྱ་བ་ཚུ་སྤང་ཚུགསཔ་མ་ཚད་ ཨེཆ་ཨེའི་ཝི་བརྟག་དཔྱད་འབད་ནིའི་ གྲོས་ཐག་ཡང་གཅད་ཚུགསཔ་ཨིན།.

འ་ནཱི་ཡོངས་འབྲེལ་ཞབས་ཏོག་འདི་ ག་གིས་འཛིན་སྐྱོང་འཐབ་སྨོ?

འ་ནཱི་ཡོངས་འབྲེལ་ཞབས་ཏོག་འདི་ རྒྱལ་གཞུང་གསོ་བའི་ལྷན་ཁག་ མི་དམངས་གསོ་བའི་ལས་ཁུངས་ཀྱི་འོག་ལུ་ཡོད་པའི་ རྒྱལ་ཡོངས་ཨེཆ་ཨའི་ཝི་ཨེཌིསི་བཀག་ཐབས་ལས་རིམ་ (NACP) གྱིས་འཛིན་སྐྱོང་འཐབ་ཨིན། ཡོངས་འབྲེལ་ཞབས་ཏོག་ལས་རིམ་འདི་ འབྲུག་ལུ་ཡོད་པའི་རྒྱལ་སྤྱིའི་ཨ་ལུ་ཉེན་སྲུང་ཚོགས་པ་ (Save the Children-Bhutan) བརྒྱུད་དེ་ རྒྱལ་སྤྱི་མ་དངུལ་ཡིག༌ཚང༌ (The Global Fund) གིས་རྒྱབ་སྐྱོར་ཐོག་ལས་ རྒྱལ་ཡོངས་ཨེཆ་ཨའི་ཝི་ཨེཌིསི་བཀག་ཐབས་ལས་རིམ་གྱིས་ བཟོ་སྐྲུན་འབད་འབདཝ་ཨིན།

ནཱ་ལུ་ཨེབ་སྟེ་ བརྟག་དཔྱད་ཀྱི་དུས་སྟབས་བཟོ་གནང་།